O 25 de novembro, ás 21:30h., a compañía de teatro Viravolta Títeres presenta a curtametraxe documental “Cómicos” na Sala Moderno do Café Camilo de Lalín.
A película gravouse durante a xira do espectáculo ambulante “Cómicos da legua” que a compañía realizou en terras da Raia Seca. Con esta tournée como telón de fondo, os cómicos Pili, Xulio, Anxo e Fran constrúen un relato no que o teatro e a vida son protagonistas.
A curtametraxe ten unha duración de 25 minutos e gravouse ao longo do mes de outubro en diversas localizacións dos concellos de Xinzo de Limia, Oímbra, Verín, Lalín, Santiago de Compostela, Trasmiras, Monterrei e Cualedro.